Martín pescador papiroflexia

O martín pescador caracterízase polas súas cores azul turquesa e salmón, que o fan unha ave especialmente rechamante. Trátase dunha figura deseñada por Plego Paper e pensada para colocarse nunha esquina dun moble de forma que a cola queda colgando cara a fóra. O kit contén 5 papeis de arte de pulpa tinguida, cun 50% de algodón e resistentes á luz, unha ficha didáctica coas principais características do martín pescador e unhas instrucións de montaxe. As pezas veñen precortadas e marcadas para facilitar o encartado e a montaxe. Todos estes materiais preséntanse nun cartafol resistente e atractivo. Necesítase cola branca de manualidades para pegar as pezas da figura.