
Latonta y Larubia
Xoiaría artesanal e de deseño feita en Galicia (dende 2010) de pezas de latón con pedras naturais e esmaltes de cores, todas elas feitas a man.
Ramón e Nuria (Latonta y Larubia) empezaron a crear unha pequena marca que lles brindou a oportunidade de mesturar os coñecementos aprendidos na licenciatura de Belas Artes coas horas de taller do Ciclo Superior de Xoiaría Artística.
Nas pezas de Latonta e Larubia está unido o deseño coas técnicas máis antigas da xoiaría tradicional, creando así pezas de tiradas pequenas; unha xoiaría de produción artesanal e deseño único.
As xoias que crean no seu pequeno taller representan historias, costumes e paixón por coidar até o máis mínimo detalle.
Esta marca galega, cun taller en Vigo e outro en Santiago, "foxe” de calquera proceso rápido ou producións industriais.